धनगढीको एक होटलबाट जुवातास, १० जना पक्राउ

धनगढी : धनगढी उपमहानगरपालिका–५ हसनपुरस्थित एक होटलबाट जुवातास खेलिरहेको अवस्थामा १० जना पक्राउ परेका छन्।

स्थानीय कालुराम चौधरीले सञ्चालन गरेको रोहित होटलको कोठामा जुवा खेलिरहेको भन्ने गोप्य सूचनाका आधारमा वडा प्रहरी कार्यालय धनगढीबाट खटिएको प्रहरी टोलीले बिहीबार साँझ उनीसहित १० जनालाई नियन्त्रणमा लिएको हो।पक्राउ पर्नेमा होटल सञ्चालक ४२ वर्षीय कालुराम चौधरी, ३८ वर्षीय बिरेन्द्र थापा, २४ वर्षीय रोहित खड्का, २० वर्षीय क्रिस बम, ३३ वर्षीय पदम ठकुल्ला, २९ वर्षीय अनिल चौधरी, ५१ वर्षीय बिरु साउद, ४१ वर्षीय टिकाराम खनाल, ४३ वर्षीय रामकृष्ण चौधरी र १८ वर्षीय बिबेक साउद रहेका छन् ।

प्रहरीका अनुसार पक्राउ परेकाहरूबाट नगद  ५९ हजार २ सय ९० र एक गड्डी तास बरामद गरिएको छ। घटनाबारे थप अनुसन्धान भइरहेको प्रहरीले जनाएको छ।