सन नेपाल लाइफ इन्स्योरेन्सका सिइओ अर्याल किर्ते आरोपमा पक्राउ

काठमाडौँ : सन नेपाल लाइफ इन्स्योरेन्सका सिइओ राज कुमार अर्याल पक्राउ परेका छन्। नेपाल प्रहरीको केन्द्रीय अनुसन्धान ब्युरो (सीआईबी)को टोलीले अर्याललाई पुतलीसडकबाट पक्राउ गरेको हो।

कर्मचारीलाई छुट्याएको सेयरमा किर्ते गरेको आरोपमा अनुसन्धानका लागि अर्याललाई नियन्त्रणमा लिएको सीआईबीले जनाएको छ ।

नियामक नेपाल धितोपत्र बोर्डले अर्यालले कर्मचारीको सेयर बाँडफाँटमा किर्ते गरेको विषयमा प्रारम्भिक अध्ययन गरी सीआईबीमा अनुसन्धान प्रतिवेदन पठाएको थियो । सोही प्रतिवेदनका आधारमा उनलाई पक्राउ गरिएको प्रहरीले बताएको छ।