१ हजार ६७३ सवारी लाइसेन्सको विवरण सार्वजनिक, सक्कल रसिद र पुरानो लाइसेन्ससहित आउन आग्रह

काठमाडौं, २५ फागुन। यातायात व्यवस्था विभागले १ हजार ६७३ वटा सवारी चालक अनुमतिपत्र (लाइसेन्स) तयार भइसकेको जानकारी दिँदै सम्बन्धित सेवाग्राहीहरूको विवरण सार्वजनिक गरेको छ।

विभागले आफ्नो आधिकारिक फेसबुक पेजमार्फत सूचना जारी गर्दै लाइसेन्स छापिएको र सम्बन्धित सेवाग्राहीहरूले लिन आउन सक्ने जनाएको हो। विभागका अनुसार सूचीमा नाम भएका सेवाग्राहीहरूले आवश्यक कागजातसहित उपस्थित भएर आफ्नो लाइसेन्स बुझ्न सक्नेछन्।

लाइसेन्स लिन आउँदा अनिवार्य रूपमा सक्कल रसिद तथा पुरानो लाइसेन्स साथमा ल्याउन विभागले आग्रह गरेको छ। आवश्यक कागजात बिना लाइसेन्स वितरण गर्न नसकिने भएकाले सेवाग्राहीलाई कागजात लिएर मात्र उपस्थित हुन अनुरोध गरिएको विभागले जनाएको छ।

विभागले सार्वजनिक गरेको विवरणमा समावेश सेवाग्राहीहरूले तोकिएको प्रक्रिया पूरा गरी सम्बन्धित कार्यालयमा उपस्थित भएर लाइसेन्स बुझ्न सक्नेछन्। सेवाग्राहीको सुविधा तथा जानकारीका लागि सामाजिक सञ्जालमार्फत सूची सार्वजनिक गरिएको पनि विभागले उल्लेख गरेको छ।

पछिल्लो समय लाइसेन्स छपाइ र वितरण प्रक्रियालाई व्यवस्थित बनाउन विभागले नियमित रूपमा तयार भएका लाइसेन्सहरूको विवरण सार्वजनिक गर्दै आएको छ। यसैक्रममा यसपटक १ हजार ६७३ वटा लाइसेन्स तयार भएपछि त्यसको विवरण सार्वजनिक गरिएको विभागले जनाएको छ।