कैलालीमा एक युवाले श्रीमतीको हत्या गरे, आफैमाथि पनि गोली हाने

धनगढी : कैलालीमा एक युवाले श्रीमतीको हत्या गरेका छन्। उनले आफूमाथि समेत गोली चलाएका छन्। जिल्लाको गोदावरी नगरपालिका–४ अमलेशैनी गाउँमा अन्दाजी ३१ वर्षीय राम बहादुर मगरले जंगलमा बाख्रा चराउन गएका बेला २८ वर्षीया श्रीमती संजिता मगरको हत्या गरेको प्रहरीले जनाएको छ।

कैलालीका प्रहरी नायब उपरीक्षक योगेन्द्र तिमिल्सिनाले विवादका क्रममा मगरले आफूसँग रहेको भरुवा बन्दुकबाट श्रीमतीलाई गोली हानी हत्या गरेको बताए।

श्रीमतीको हत्यापछि उनले सोही बन्दुकले आफैलाई गोली हानेका थिए। घाइते अवस्थाका उनको सेती प्रादेशिक अस्पतालमा उपचार भइरहेको छ।

उनकी श्रीमतीको शव परीक्षणका लागि प्रादेशिक अस्पतालमा राखिएको छ। घटनाबारे थप अनुसन्धान जारी छ।