July 27, 2026, Monday
२०८३ श्रावण ११
Nepal 1:37:26 pm
जन आवाज धनगढीः कैलालीको टीकापुरमा मोटरसाइकल दुर्घटना हुँदा चालकको मृत्यु भएको छ।
जिल्लाको टीकापुर नगरपालिका–१ वनकार्यालय स्थित डुडेझारी सडक खण्डमा सुदूरपश्चिम प्रदेश ०१–००९ प ६७७८ नम्बरको मोटरसाइकल अनियन्त्रित भई बिहीबार राति दुर्घटना हुँदा मोटरसाइकल चालक सोही ठाउँ बस्ने ३५ वर्षीय रमेश शाहीको मृत्यु भएको हो।
दुर्घटनामा गम्भीर घाइते भएका उनलाई टीकापुर अस्पताल टीकापुर लगिएकोमा चिकित्सकले चेकजाँच गर्दा मृत घोषणा गरेको इलाका प्रहरी कार्यालय टीकापुरले जनाएको छ। दुर्घटनाका सम्बन्धमा प्रहरीले आवश्यक अनुसन्धान गरिरहेको छ।
