बैतडीमा मोटरसाइकल आपसमा ठोक्किँदा एकको मृत्यु

बैतडी : बैतडीमा दुई वटा मोटरसाइकल एकआपसमा ठोक्किँदा एक जनाको मृत्यु भएको छ भने अन्य पाँच जना घाइते भएका छन् ।

जिल्लाको पुर्चौडी नगरपालिका–५ मा २४ वर्षीय अमिर कठायतले चलाएको सुदूरपश्चिम प्रदेश ०१-०१३ प ४२४६ नम्बरको मोटरसाइकल र सुर्नया गाउँपालिका-८ का ३४ वर्षीय जनक लुहारले चलाएको से ५ प ४७१७ नम्बरको मोटरसाइकल एकआपसमा ठोक्किएका थिए ।

सो दुर्घटनामा मोटरसाइकल चालक लुहारको बझाङको देउलेख प्राथमिक स्वास्थ केन्द्रमा उपचारका क्रममा मृत्यु भएको प्रहरीले जनाएको छ ।

दुर्घटनामा अर्का चालक कठायतसहित मोटरसाइकलमा सवार पुर्चौडी नगरपालिका-५ का हिक्मत कुँवर, सिगास गाउँपालिका-९ का ३४ वर्षीय जयबहादुर चन्द र सोही ठाउँका २६ वर्षीय केशवबहादुर चन्द घाइते भएका छन्।

उनीहरू मध्ये गम्भीर अवस्थाका कठायत र कुँवरको डडेल्धुरा अस्पतालमा उपचार भइरहेको छ ।

अन्य घाइतेहरूको अवस्था भने मध्यम रहेको र स्थानीय स्वास्थ्य संस्थामै उपचार भइरहेको जनाइएको छ।

दुर्घटनाको कारण खुल्न बाँकी रहेको प्रहरीले जनाएको छ भने घटनाबारे थप अनुसन्धान भइरहेको छ।